pekannuss-orangen-eckerl

• 200 g pekannusshälften
• 100 g mehl
• 100 g kalte butter
• 50 g zucker (40 g braunen, rest weißen…)
• 1 ei
• 200 g sehr sehr guates orangeat
• 100 g marzipanrohmasse
• 3 el orangenmarmelade
• bissl a mehl und a bissl an staubzucker zum ausrollen

 

1. die nüsse in an mixer klan mochn und mitn mehl mischen.
2. klane stickl von da butter mitn zucker und dem ei dazu geben und flotti durchkneten.
3. teig in a frischhaltefolie wickeln und für mind. 1 stund in kühlschrank damit.
4. rohr auf 160° umluft vorheizen.
5. a backblech mit backpapier auslegen und den teig darauf ausrollen (des funktioniert wirklich 🙂 )
6. die marzipanrohmasse auf da mit staubzucker bestreuten arbeitsfläche auf ca. die hälfte von da größe vom backblech ausrollen.
7. marzipan auf die eine hälfte vom teig aufs blech legen und mit marmelade bestreichen.
8. orangeat drüberstreuen und guat verteilen.
9. mit da zweiten hälfte vom teig bedecken und a bissl andrücken.
10. im rohr für ca. 25-30 min. backen.
11. wenns ausn rohr heraussen is, am besten glei in eckerl schneiden, i hobs mit an pizzaschneider gmocht, funktioniert vermutlich a mit an messer…
12. guat auskühlen lossn und sofort kosten!

oiso, wie i die originalmenge vom orangeat (nämlich nur 100 g) aufn teig verteilt ghobt hob, hob i nur den kopf gschüttelt und glei noch a becherl drauf verteilt 🙂 sauguat die teile! und weil is hergschenkt hob, hob is a noch liab einpockt…

is rezept hob i übrigens wieder amoi von den kuchengöttern.

Advertisements