Archiv | fremdessen RSS feed for this section

Aiola Upstairs (Graz)

8 Mrz

woa letzen sonntag seit langem wieder moi in graz zum essen…hob mi mit ana lieben freundin endlich wieder moi troffen und sie hot uns des aiola upstairs ausgsuacht. vor a poa joah woa i dort scho amoi essen (kannst do nochlesen>>), desmoi „nur“ frühstücken.

 

wer scho amoi dort woa und noch dazu im frühling so an wunderbaren tog dawischt, wie wir, wird auf jeden foi zustimmen, wenn i sog, des is a super schener ausblick über unser hauptstadt. a wenn i zugeben muss, dass i noch imma ka graz-fan bin 🙂

IMG_20190303_103000

die frühstückskarte is überschaubar, wos jo ka fehler is. i hob a frühstück für „putzmuntere“ bestellt:

IMG_20190303_105722

lt. karte getoastetes vollkornbrot, spiegelei, avocado, agavensirup, chili, gemüse und ingwer-zitronen-tee für € 9,70. guat, i bin die letzte, die sich über an höheren preis für a gutes essen beschwert, qualität hot scho sein preis. und i muss sogn, es woa a sehr gut. a bisserl mehr gemüse hätts vielleicht scho sein kinnan, de drei stickl paprika und a hoibe scheibe gurke, woa net wirklich der rede wert. da agavensirup woa a do, a streiferl am teller, nur is chili woa nur a bissl drüber gestreut, i hob gehofft, dass des a bissl a scharfe zugabe dazu is. so wie is ma daham a öfter amoi moch.

 

gott sei dank hamma vorm bestellen vom frühstück a noch an kaffee bestellt, wir san nämlich leider noch dem is essen serviert wurdn is, nimma gfrogt wurdn, ob ma noch wos wuin. dawal warad wos süßes oder a zweiter kaffee scho noch fein gwesen. die herrschaften vom service woan a so freundlich und haum uns umma 12e an zettl am tisch glegt, dass ob 12:30 reserviert is. ka wort dazu, nix…wär bestimmt a ka problem gwesen, wenn ma sowos kurz sogt…oba najo.

des restaurant is auf jeden fall an besuch wert, wenn mas gern mit ausblick hat und über a gestresstes und vielleicht darum net so nettes service hinweg sehn kann.

 

wir woan dafür anschließend noch bei da eisperle, an klanen veganen eisladen. dort gibts noch hoib/hoib kugerl 🙂 leider vü zu selten wurdn…woa ganz fein, a wenn is scho gern mog, wenn milch oder sauerrahm oder schlog im eis is 🙂 die verena hot ma übrigens gsogt, de haum a nettes werbekonzept…sie posten im facebook, dass es jetzt grod de oder de sorte gibt und wenns aus is, is aus 🙂 wer in da gegend is, eisperle is empfehlenswert.

Werbeanzeigen

Glorious Bastards (Linz)

24 Okt

lange rede, kurzer sinn…a poa büdl vom Glorious Bastards in linz:

essen woa fein – beim nächsten moi iss i fix a steak 😉 die preise san vui in ordnung und die einrichtung und die mitarbeiter echt a hit. reservieren is angesagt, weil des lokal – zu recht – ziemlich guat bei den leitn ankummt. geh i wieder hin!

rathhaus…

7 Okt

is jo scho wieder fost a monat her, oba zu mein schlüpftog bin i ins rathhaus einglodn wurdn…

09_2018 (4)09_2018 (3)09_2018 (5)09_2018 (6)09_2018 (8)09_2018 (1)09_2018 (2)

es woa natürlich wie immer a sehr feine geschichte 🙂

rinderwahn (wien)

21 Aug

woa am samstog wieder in da hauptstadt (i hob a date mitn justin timberlake in da größten sauna der welt a.k.a. stadthalle ghobt)…do muss ma a wos essen. wos vernünftiges. mit fleisch und schoaf. und sprudel.

beim rinderwahn am naschmarkt in da hitz. perfekt. die pommes – süßkartoffel- und die normalen mit käsesauce, jalapenos, aunbrutzeltem speck und röstzwiebel – seeehr geil! do geh i wieder hin. den burger hob i net selber gessen, weil do woan schwammerl drinnen und i hätt a goa net so an hunger ghobt. beim nächsten moi iss i vorher oba amoi fix nix. und iss söwa an burger UND a schüssl vui pommes 😉

IMG_20180818_160204IMG_20180818_161056

die herren in dem laden haum a noch a leiberl aun mit „mann mit rinderwunsch“ und die damen ans mit „ich will ein rind von dir“. die postkarten gibts passenderweis zum mitnehmen – hob i glei a poa für daham einpockt. und bierdeckel. und so an guatn spritzwein hob i a noch mitgnumman. schen, wenn a konzept so durchzogn wird. gefällt mir sehr gut!

rathhaus…

16 Jun

woa wieder amoi dort. die letzten male hob i nix davon gepostet…wird am end jemandem fad, imma des guate essen vom markus rath zum seng 😉

hollersorbet mit langem pfeffer und a krauttascherl

IMG_20180616_180359

warmes brot, salami, mohnöl, butter und kräuterbutter mit a bissl an gemüse

IMG_20180616_181248

oxentartar mit spargel und wunderbarem toast (und blumerl)

IMG_20180616_184207

grammelknöderl auf warmen speckkrautsalat

IMG_20180616_190935

wie schen dünn die knödelhülle is…soo vü füllung 😉

IMG_20180616_191526

mehr hot nimma plotz ghobt…drum ’nur‘ a kugerl sauerrahmeis

IMG_20180616_195242

und zum hamgehn no a macaron mit erdbeerfüllung…

IMG_20180616_200119

jo ma wird sichs jetzt denken kinnan. es woa soooo lecker. und soooo vü 😁. imma wieder gern…

wien, wien nur du allein…

4 Jun

…sollst stets die stadt meiner träume sein…so oder so ähnlich hots amoi wer gsungan 🙂

woa zum frauenlauf wieder mit frau mutter in der hauptstadt und … a handvoll bilder sogn mehr als tausend worte 😉

IMG_20180526_145214

die wiener haum echt an eleganten humor…IMG_20180526_173705IMG_20180526_174051IMG_20180526_174630IMG_20180526_190448IMG_20180526_190748

weil beim nachbarn in da kriau grod die biorama fair fair woa, samma dort natürlich hin. ma glaub goa net, wie gut österreichischer vodka sein kann! yam!

 

nochn lauf am sonntog woa ma beim neni im tel aviv beach. hot sich auszoit die sucherei *hust* (dorfkind…). woan zwoa net im hippen bereich beim sand (den dreck haumma daham jo a…). oba leider haumma dort net für zu dritt reservieren kinnan (na ka sorge, die dritte person woa net mei ego 😉 ). oba mocht goa nix. leit schaun, spritzwein und falafelwrap…und oliven…seeeehr geil!

IMG_20180527_173425IMG_20180527_174858

burgerei, linz

26 Dez

mei, hob grod mei handy zaummgrammt und a büdl gfundn…scho ausn september! bei an von den letzten besuchen in linz haumma uns in da burgerei a jausn ghuit:

burgerei

woa saulecker, die pommes, da salot, da burger sowieso! die sauce für die pommes woa a bissl salzig, wenn i mi richtig erinner, oba do werd i sicher wieder hingehen!

appetitaufzuhause

Blog über gesundes Backen und Kochen, vegetarisch.

Taste'N'Chew

Schmecken, kauen...und...

SUPERKLUMPERT

Kuriose Alltagsgeschichten

LISI & LEON

Wo Wien am leckersten is(s)t

Life Is Full Of Goodies

Food- & Travelblog by Mara Hörner

Schokohimmel

Noch ein Blog übers Backen und Genießen? Aber ja! Und über die vielen anderen kleinen Dinge, die das Leben schöner machen…