olle zutaten von mehl bis sojamilch in ana großen schüssel guat vermischen.
karfiol in röschen teilen und zur mischung geben.
ordentlich durchmischen, dass da ganze karfiol bedeckt is. evtl. a bissl mit den fingern nachhelfen.
rohr auf 200° ober- und unterhitze vorheizen.
i hob a so a backmatte aus silikon mit a bissl an höheren rand, des is do perfekt find i. do drauf den karfiol verteilen (oba net auskippen, sunst pickt ois zaumm!)
für 30 min ins rohr damit.
für die buffalo-sauce ois mitanaund glatt rühren.
ois fürn kräutertopfen vermischen und obschmecken.
noch 30 min. karfiol ausn rohr huin und mit da buffalo-sauce bepinseln.
no amoi für 15 min. ins rohr damit.
mitn kräutertopfen essen 🤤
i find, des schaut net nur mega aus, des schmeckt a richtig lecker! hätt die buffalo-sauce no a bissl schärfer mochn kinnan…beim nächsten moi daun. saugeil 👍❤️
schafs- oder zeigenkäse in klane stickl schneiden.
datteln mitn käse füllen.
vom filoteig streifen schneiden, die net ganz so breit san, wie die datteln.
datteln mitn filoteig einrollen, enden mit weicher butter oder sojamilch bestreichen.
datteln auf a backblech legen und mit weicher butter oder sojamilch bestreichen.
für ca. 8 min. backen.
die dinger woan saulecker, oba i hätt ma des schenken kinnan, die datteln a noch mitn filoteig einzuwickeln. außerdem hob i die ganze zeit den minzebusch vor mir in da küche stehen ghobt und dann erst vergessen, je dattel a blattl minze mit einrollen…🤣. moch i bestimmt wieder! rezept hob i von gusto.
olle zutaten fürn teig ca. 10 min. durchkneten und zuadeckt ca. 1 stund gehen lossn.
die dattelpaste so weit mit wasser strecken, bis sie guat streichfähig ist.
germteig rechteckig dünn ausrollen und dünn mit da dattelpaste bestreichen.
mit zimt bestreuen.
teig schen aufrollen und stickl mit 2-4 cm schneiden.
a tiefes backblech mit backpapier auslegen und die schneckerl eng zusammen ins blech schlichten.
noch amoi obdecken und ca. 30 min. gehen lassen.
rohr auf 180° ober- und unterhitze vorheizen.
schneckerl für ca. 30 min. backen.
fürs frosting ois miteinander mischen und die abgekühlten schneckerl bestreichen
suuuuuper lecker! hob noch nie so an zarten, samtigen, leckeren germteig gmocht! gschmackig a mit den datteln in der füllung. die fertige dattelpaste beim spar find i a vui praktisch, i hob desmoi oba ganze datteln anfoch entsteint und mit schluckerlweise wasser püriert. rezept is aus da spar mahlzeit.
frühlingszwiebel in streifen oder in ringerl schneiden und aufd seiten stön
koriander grob hacken, die stengel a bissl feiner und mitn frühlingszwiebel zum toppen wegstön
hob no an klan einglegten trüffel gfundn und den großteil mit da brühe mitkocht, den rest zum toppen aufghobn
karotte schälen, der länge nach halbieren und in streifen schneiden
knoblauch fein hacken und mitn großteil vom frühlingszwiebel im chiliöl kur aber heftig anschwitzen
currypaste dazu geben, guat durchrühren und wieder a bissl anrösten
mit wasser und da kokosmilch ablöschen, karotte dazu geben, aufkochen und für ca. 7 min. köcheln lossn
den tofu in größere würfel schneiden und im airfryer oder in da pfanne 10 min. goldbraun braten und bis zum servieren aufd seiten stön
pak choi waschen und in mundgerechte stickl schneiden und mit den nudeln in die suppe geben
ca. 3-4 min. ziehen lossn
evtl. bissl salzen
sojabohnen abtropfen lossn
in an großen suppenteller oder ana schüssel die suppe mitn gemüse anrichten
mit restlichem koriander, frühlingszwiebel, trüffel, tofu und sojabohnen anrichten, evtl. bissl chiliöl drüber träufeln und sesam drauf verteilen
Y – A – M!
MEI! des woa scho wieder so so so so lecker! i hob zwoa befürchtet, dass i daunn platzen muass, weils wirklich a riesige portion is, oba is gsd net passiert :D. die sojabohnen hob i heit nur aus da dose kriagt und i kaunn ma net höfn, de schmecken hoit anfoch wirklich noch nix, außerdem sans net so schen grün, wie sie sein suitn die rezeptidee hob i von eat this. räuchertofu kauf i gern beim hofer und im airfryer wird er fost knusprig. muass moi probieren, den vorher ausdruckn…
couscous mit dem heißen wasser übergießen und obdeckt ziehen lossn
dattel entkernen und klan schneiden
wei a hoibs ei a bissl blöd is…a ganzes versprudeln und die hälfte zum couscous geben, curry, salz, dattel, bissl a olivenöl und gewürzöl guat vermischen*
aus der masse mit feichte händ kugerl mochn und in sesam wälzen
hob die teilchen bei 165° für 15 min. in airfryer geben.
salat mit ordentlich knoblauch und a bissl a avocado und kugerl drauf anrichten 👍
*hob natürlich beim mochn net mitdenkt und a ganzes ei gnumman 🤦🏻♀️ dafür hob i dann a poa semmelbrösel untergmischt, dass a formbare masse wurdn is. die mischung aus curry, ingweröl und datteln is mega! is sicher a so vui guat als fingerfood 🥰. rezept is vo sonnentor.
mandeln und haferflocken dazu geben und ois guat durchmixen
kakao und löskaffee in an klanen flachen teller geben
mit bissl feichte händ (oder mit gummihandsch) kugerl mochn und in da kakao-kaffee-mischung wälzen.
dummerweis hot mei rezept-lese-schwäche wieder amoi zuagschlogn und i hob vergessen, in die masse a an kakao und a nussmus dazuzumischen 😂 schmecken oba trotzdem mega guat. noch dazu hob i glei die dreifache menge gmocht und mein smoothie-maker damit fost geschrottet 😐…endspurt hob i daunn mitn pürierstab gmocht…. rezept hob i von sonnentor.
1 el chutney i hob bittere orangenmarmelad gnumman
1/4 ananas
2 frühlingszwieberl
a ordentliche portion gemüse (bei mir gurke, paprika, chinakohl, karotte)
scharfe chili-sauce
eigentlich suit ma den tofu in a „steak“ schneiden, i hob mi für dicke streifen entschieden.
tofu mit küchenrolle bissl abtrocknen.
kurkuma mit da miso-pase und 2 el vom reisessig in ana flachen schüssel guat verrühren und den tofu darin mind. a stund marinieren. bei mir woa die mischung recht dick, drum woas eher wälzen 😀
getreide hob i desmoi an ebly gnumman, also mit bissl salz bissfest kochen und dann mit a bissl an reisessig vermissen und aufd seiten stön.
für die kruste vom tofu die semmelbrösel mitn sesam vermischen und die tofu-sticks darin wälzen. meine brösel woan bissl zgroß, wuits dann aber nimma klana mochn…
i hob den tofu dann mit a bissl an olivenöl benetzt und für 15 min. bei 180° in airfryer taun.
zur restlichen marinade noch amoi a bissl a miso-paste und an reisessig dazuagmischet, außerdem a bissl a currypulver und wegen mangel an mango-chutney a bittere orangenmarmelad von da mama. bissl wasser dazu geben und guat durchmischen.
die ananas schälen, vierteln und des harte in der mitte herausschneiden.
mit a bissl an olivenöl beträufeln und richtig haß in da pfanne anbraten (oder aufn haßen griller geben, darf ruhig röstaromen haum, gö 😉 )
frühlingszwiebel und des andere gemüse in streifen schneiden und in ana schüssel mit da marinade guat durchmischen. i hob die restlichen semmelbrösel-sesam-mischung a noch drunter gmischt
die ananas hob i noch in mmundgerechte stickl gschnittn.
in an tiefen teller (oder ana bowl^^) des getreide auf die ane seite, dann des marinierte gemüse auf die andere seite anrichten, darauf den tofu und die ananas und mit ordentlich scharfer soße beträufeln
YAM!
also des rezept hob i vom jamie oliver und hobs a bissl abgewandelt, weil i eben a poa sochn net daham ghobt hob. hob außnahmsweise wieder amoi a ganze ananas kauft – um 50% – und sie is absolut perfekt gwesen dafür! saugeil! und die tofu-sticks san im airfryer a richtig lecker wurdn. die menge woa megavü, oba i hob die kohlehydrat- und tofumenge auf mein tagesbedarf obgändert, da jamie hätt natürlich a bissl mehr ghobt. hob jetzt noch amoi nochlesen miassen, warum des „katsu-style“ haßt. tonkatsu is anscheinend a japanisches schnitzel…deswegn wü da jamie vermutlich a, dass ma „steaks“ ausn tofu schneidet ;). beim nächsten moi – und des wirds sicher geben (!!!), werd i die marinade a bissl dünner mochn und dann fürn salat mehr curry nehmen. des hob i desmoi kaum gschmeckt, wenn i ehrlich bin. vü zum obwoschn woa daun a, oba des woas definitiv wert 😀