für 1 portion:
- 1 blattl (jo 1/4 von ana packung 😆) strudelteig
- 250 g topfen
- 100 g marillen (bei mir die letzten ausn tiefkühler)
- 5-6 blattl frische minze
- 1 schluck milch
- zucker nach belieben (oder flavor drops)
- rohr auf 180° vorheizen.
- a klane auflaufform a bissl buttern.
- topfen glatt rühren und ggf. zucker dazu geben. i hob desmoi a bissl gschummelt und gib flavor drops dazu (flüssiger süßstoff mit maracuja-geschmack)
- die marillen und die minzblattl klan schneiden und drunter mischen.
- strudelteig aufbreiten und zur hälfte zaumm legen.
- füllung drauf geben und schen eng einrollen.
- in die auflaufform geben und mit an schluck milch bestreichen.
- ins rohr damit für 15-20 min.
- jausnen!
also i bin jo eigentlich ka fan vo süßstoff und versuch, recht ’sauber‘ und unverarbeitet zu essen. aktuell probier i oba wieder, a bissl mehr schaun, dass i mein coronaspeck los werd und iss darum ziemlich vü eiweiß… und joghurt, topfen etc. mog i natürlich scho, oba ohne zucker?! drum hob i ma letztens moi so a flaschl flavor drops beim müller mitgnummen. jo sie schmecken künstlich und san megasüß – is jo a süßstoff – oba i verwend gaaaaanz wenig, dann geht des schon, woa echt lecker! die minze hots noch schen erfrischt… nur is ma da strudel natürlich beim aussa heben aus da form ausanaunda brochn, eh kloa 😂